افضل مواقع تصحيح الكتابة الانجليزية

أعمل ايه عشان اتكلم زى الاجانب بالظبط ؟!

تفتكر ايه اكتر اجابة مقنعة بالنسبالك لو حد سألك السؤال دا ! :D

= أول حاجة هتيجي فى بالك انك عايز تتكلم بسرعة وتنطق الكلام زيهم, صح ;)
يبقي كدا متفقين انت عايز ايه، ولازم دلوقتي نعرف هما بيعملوا كدا ازاى ؟

- أول حاجة هي استخدام Linking Sounds & Connected Speech فى الـEnglish بيعتبروه اساس من اساسيات النطق وهنتكلم عن الموضوع دا بالتفصيل بعدين ^_^

- تاني حاجة واللى هنتكلم فيها النهاردة، وهى الـ"Silent letters" اللى بتكون فى بعض الكلمات اللى بالنسبالنا كلمات سهلة جداً، بس لما بنسمعها من Native speakers بنحس اننا اول مرة نسمع الكلمات دي ومش فاهمين هما بيقولوا ايه !

ومن اكتر الحروف الصامتة اللى بتغير طريقة نطق الكلمات هي الحروف دي :
( B / C / D / G / H / K / N / P / T / U / W )

الحروف دي غالبا مابتتنطقش ,وبالتالي بتغير طريقة نطق اى كلمة زى ماحنا متعودين نسمعها من اللى حوالينا واعتقدنا ان هو دا النطق الوحيد ليها وبس !!

زي مثلا كلمة Castle ( ممكن تكون سمعت حد من صحابك بينطقها )=( كاستل )
ودا اوعى تصدق منه اى English تسمعه بعد كدا !
لان النطق الصح هيبقى / كاسل ( حرف الـ T بيكون Silent ) ولو بصينا عليها فى الـPhonetics هنلاقيها بتتكتب كدا " ˈkɑː.sl̩ " ;)

يبقى احنا كدا اتفقنا ان حرف الـ T مالناش دعوة بيه :D
دي بقا اكتر الكلمات اللى بينطبق عليها القاعدة دي : " Christmas, fasten, listen, often, whistle, thistle, bustle, hasten, soften, rapport, gourmet, ballet " ;)

عندنا كمان حرف الـ " B " مالناش دعوة بيه فى الحالات دي :

• لو جه فى اخر الكلمة وقبله حرف الـ M.
زى كلمة Climb / ←
وزى كلمة Bomb ←
والكلام دا ينطبق على الكلمات دي كمان :limb, crumb, dumb, comb, thumb,

- وبردوا ولا كأننا شايفينه لو جه فى الكلمات دي قبل حرف الـ T
زى كلمة Debt←
وزى كلمة Doubtful←
والقاعدة دي تنطبق على الكلمات دي كمان : doubt, debtor, subtle
وهتلاقوا نطق الكلمات دي بردوا فى أول كومنت ^_^

آخر حاجة عايزين نقولها، انك مش مهم تتكلم زي الاجانب بالظبط، بس على الاقل لما تسمع English منهم او من أى حد حواليك مستواه كويس، تبقى فاهم هو بيقول ايه ؟ وليه ؟