افضل مواقع تصحيح الكتابة الانجليزية

كتير من اللي بيتكلموا English مش بيعرفو امتى يستخدموا الــ present perfect و دا لانهم مش فاهمين استخدامه بيكون عامل ازاى فى الجمل .

بص يا سيدي و قارن كدا بين الـ 3 جمل دول :

* I am sick
* I was sick yesterday
* I have been sick for a week.

اول جمله دي بتقول انا مريض دلوقتي بس
و التانيه انا كنت مريض و دلوقتي زي الفل
و الثالثة بقى بتقول انا كنت و مازلت مريض و بقالي اسبوع .

و هو دا بقى اللي بيقولو علية الــ present perfect الزمن اللي بيربط بين الماضي و الحاضر ، يعني مش ماضي بس و لا حاضر بس .

وسامعك ياللي بتقول عاوزين مثال تاااااني ----> خد عندك
* I live in Cairo
I lived in Cairo
* I have lived in Cairo for 10 years
المثال الاول انا عايش في القاهرة حاليا
و الثاني انا كنت عايش في القاهرة في اي وقت في الماضي
و الثالث انا كنت و مازلت عايش في القاهرة بقالي عشر سنين اي من عشر سنين حتي الان .

طب واحد كمان بقى عشان التاكيد

ايه الفرق بين :

I didn't eat anything yesterday
و I haven't eaten anything since yesterday

الاول انا ماكلتش حاجه امبارح بس يعني ممكن اكون اكلت النهارده
لكن التاني انا ماكلتش حاجه من امبارح و لغاية دلوقتي

اخر مثال : I didn't see you at the last week
و I haven't seen you since last week
الاول انا ما شفتكش الاسبوع اللي فات بس ممكن اكون شوفتك الاسبوع دا
لكن التانيه معناها اني مشفتكش من الاسبوع اللي فات حتي الان