افضل مواقع تصحيح الكتابة الانجليزية

_لو سمحت

= نعم ؟

_عاوز أطّور فى الـEnglish بتاعى , عندك حل للموضوع ده ؟؟ أصل أنا بحفظ كلمات كتير و بنساها بسرعة .. ببقا حافظ الجملة و فجأة بنساها و مش بعرف أنطقها

= مبدأياً أنت محتاج تروح تتعالج الأول و بعدين نرجع نتكلم :D

_يعنى مفيش أمل أنى منساش الـEnglish اللى أنا بذاكره ده ؟؟ أصل انا عاوز اطور الـEnglish بتاعى بسرعة :(

=طيب خلينا متفقين إن دى تقريباً بتبقى مشكلة كل الناس اللى عاوزة تتعلم English فى أنها بتذاكر و بتنسى اللى ذاكرته

و ده بيرجع لـ 3 أسباب ..

السبب الأول أسمه " Why " ؛ اللى هو أنت بتتعلم الـEnglish ده ليه ؟؟
لو السبب بتاعك قوى كفاية و حقيقى يبقا أنت كدا عديت من أول مشكلة ،

مثلا لو أنت بتاخد كورس الـEnglish لمجرد أنك فاضى و عاوز يبقا معاك لغة وواحد تانى بياخد معاك نفس الكورس بس عشان عاوز يطور من مهاراته و ينجح فى Interview الشغل بتاعه , طبعاً هتلاقى الشخص التانى ده الـEnglish بتاعه أحسن من الشخص الأول و ده بيرجع لأنه عنده " "السببية "

السبب التانى أسمه "How "، اللى هيا كينونة الطريقة اللى أنت أصلا بتتعلم بيها
بين قوسين؛ طريقة تخطيطك للحاجة اللى هتذاكرها :D

ممكن تكون بتذاكر 4 ساعات بس الحصيلة اللى طلعت بيها متعديش 2%
و ممكن تذاكر ساعة واحدة و الحصيلة بتاعتك تبقا 50%

الفكرة كلها بتعمل الحاجة دى أزاى ؟؟
مثلا ..
لو أنت لسه حد بيبدأ يذاكر English و أنت عارف أنك محتاج تركز على حاجة حاجة .. مش كل حاجة مع بعض

متجيش بقا و أنت بتذاكر Movie تقول أنا هذاكر الكلمات و الجرامر و الـIdioms اللى أتقالت فى أول نص ساعة من الفيلم !!

كده تبقا أنت بتضحك على نفسك و الحصيلة اللى هتطلع بيها مش هتعدى 2%

السبب التالت أسمه "What " و هنا بتكون عملية التنفيذ نفسها
و دى اللى ممكن نوضحها فى كام نقطة كدا على الماشي

1-ممكن تكون مش بتطبق كتير على الحاجة اللى بتذاكرها سواء بالـSpeaking , Listening , Reading , Writing وبالتالى اى حاجة هتذاكرها فى فى خلال يومين هتلاقيها سمك ، لبن ، تمر هندي

2-مش مستمر و أهم حاجة الإستمراااااار على اللى أنت بتذاكره يعنى متجيش تذاكر يوم و 7 لاء و تقول هو انا مش بتطور ليه ؟؟

3-بتزهق بسرعة، والمفروض اصلا انك ماتزهأش طول مانت بتعمل حاجة بتحبها ومحدد لنفسك هدف فيها.

4-مستعجل ودا غلط لانك عمرك ما هتبقى بين يوم وليلة بتتكلم English زى Chris tucker فى فيلم Rush hour، " الموضوع محتاج صبر "

افتكر دايما انك لو ظبطت الـWhy والـHow والـWhat عندك هتلاقى الـEnglish بتاعك أتظبط